Лічыцы. Старажытныя могілкі.

У Валкавыскім раёне крыху на поўнач ад раёнага цэнтра ёсць мястэчка Лічыцы. Мястэчка вядома з часоў Вялікага Княства Літоўскага з 17 стагоддзя. У 1642 годзе тут упамінаецца царква, якая належыла праваслаўным, або ўніятам. У 1796 годзе мястэчка належыла былому крайчаму Вялікага Княства Літоўскага Зыгмунду Грабоўскаму.

 У часы Расійскай імперыі каля старажытнай драўлянай царквы будуецца новая мураваная царква ў 1871 годзе. Новы храм асвяцілі ў гонар Узвіжэння Святога Крыжа. Над царквой узведзена – вежа званіца. Вакол будынка пабудавана мураваная агароджа. У пачатку 20 стагоддзя старую царкву разабралі і перанеслі на мясцовыя могілкі. Храм выкарыстоўвалі , як могілкавую капліцу. У гэтай драўлянай царкве захоўвалася Евангелле 19 стагоддзя, якое падаравала імператрыца Расійскай імперыі Марыя Аляксандраўна. Святую кнігу з пабудовай мураванай царквы перадалі ў новы храм.

 Пры царкве новай было прыпісана напрыканцы 19 стагоддзя пяць царкоўна – прыхадскіх школ, народнае вучылішча. З 1897 года была адчынена жаночая царкоўна – прыхадская школа. Прыход складаў 1147 чалавек жаночага пола і 1162 чалавека мужскога пола. Пасля Вялікай Айчыннай вайны храм зачынілі і тут зроблены быў склад. У 1997 годзе мураваную царкву асвяцілі.

У мястэчку захаваліся да нашага часу могілкі салдатаў часоў Першай сусветнай вайны. Ёсць таксама некалькі мураваных гаспадарчых пабудоў ад былой сядзібы.

 На мясцовых могілках знаходзіцца парэшткі царквы Святой Троіцы і мураваная капліца Грабоўскіх. Царква драўляная Траецкая была пабудавана ў 17 – 18 стагоддзях і раней была ў самім мястэчку. Зараз храм занядбаны і знаходзіцца ў аварыйным стане.

 Тут жа на могілках мураваная чатырохгранная ў выглядзе слупа капліца надмагільная Грабоўскіх 19 стагоддзя. На капліцы знаходзіца металічная памятная шыльда. Тут пахавана графіня Грабоўская, якая паходзе родам з Патоцкіх. Яна памерла ў 1818 годзе ва ўзросце 62 год.