Краснае. Царква Пакрава Прасвятой Багародзіцы

Калі ехаць праз мястэчка Краснае па трасе Радашковічы – Маладзечна, то на ўзвышшах  з права пабачыце два храма: спачатку праваслаўную царкву, а затым неагатычны касцёл з жоўтай цэглы. Праваслаўная царква Пакрава Прасвятой Багародзіцы была пабудавана ў 19 стагоддзі ў псеўда - рускім стылі. Спачатку ў Красным быў старажатны драўляны праваслаўны храм, які быў асвячон у гонар Святога прарока Ільі. Акрамя таго было некалькі праваслаўных капліц на могілках.

 Пакроўская царква ў Красным пабудавана ў 1860 годзе, а па іншым дадзеным у 1889 годзе. Прастольнае свята адзначаецца 14 кастрычніка.

 Будынак узведзены ў модным у тыя часы ў Расійскай імперыі псеўда – рускім стылі з бутавага камяня. Складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца: васмярык на чацвярыку.

 У плане храм крыжова – купальны. Да асноўнага аб'ёму дабудавана паўкруглая апсіда.  Над сяродкрыжжам знаходзіцца васьмігранны светлавы купальны барабан, які прарэзаны аконнымі праёмамі. Уваходны праём зроблены ў выглядзе кілепадобнага партала. Урачыстасці і прыгажосці храму надае спалучэнне натуральнага камня з атынкаванымі ў белы колер часткамі будынка. У інтэр'еры маецца трохярусны іканастас. Паруса пад светлавым барабанам распісаны з выявамі святых.