Ракуцёўшчына. Музей Максіма Багдановіча

Сёння ўтульная атмасфера гэтага музея нагадвае наведвальнікам пра шчаслівы перыяд жыцця маладога генія беларускай літаратуры-Максіма Багдановіча.

У Доме арандатара, дзе жыў Багдановіч, адноўлена музейная экспазіцыя. Цэнтральнае месца займае фатаграфія паэта, яго зборнік «Вянок», здымкі сяброў і паштоўкі З відамі Вільні. Інтэр'ер дапоўнены мэбляй пачатку 20 стагоддзя, кнігамі французскіх аўтараў і саламянай птушкай, як сімвалам натхнення.

У Доме гаспадара адноўлены гасцёўня, кухня і дзіцячы пакой. У гасцінай адноўлена рамантычная атмасфера, апісаная ва ўспамінах я. Шабуні. Тут паэта сустракалі з беларускай гасціннасцю.

Кухня адноўлена часткова, з тыповай мэбляй і прадметамі побыту. Гумно знаёміць з сялянскай працай: тут прадстаўлены транспартныя сродкі і інструменты таго часу - сярпы, цапы.

Кожны экспанат стварае адчуванне, што малады Багдановіч, які жыў тут, толькі нядаўна выйшаў на шпацыр або адправіўся да гаспадароў.

Для перадачы атмасферы таго часу выкарыстаны адпаведныя кнігі і газеты, якія падкрэсліваюць адукаванасць і актыўную жыццёвую пазіцыю гаспадара, яго цікавасць да гісторыі і літаратуры.

Амаль не засталося рэчаў, якія маглі б нагадаць нашчадкам пра мінулае, але, пераступаючы парог хаты, здаецца, што вось-вось увойдзе паэт, прапануе чай і прачытае сваю «Зорку Венеру».

Штогод у Ракуцёўшчыне праводзіцца свята паэзіі і песні «Ракуцёўскае лета».

У фальварку Ракуцёўчына, што ў Маладзечанскім раёне, ёсць літаратурны музей выбітнага беларускага паэта Максіма Багдановіча.

У 1911 годзе летам сюды ў госці ў фальварак Лычкоўскіх завітаў М.Багдановіч. Тут паэт напісаў 2 цыклы вершаш: «Старая Беларусь» і «Места» і яшчэ два творы: «Вераніка» і «У вёсцы».

Ушанаванне памяці паэта пачалося тут у пасляваенны час у 1970 – я гады. У 1977 годзе ў Ракуцёўшчыне ў гонар паэта пастаўлены 2 помнікі – валуны. Першы, як вечная свяча памяці, а на другім напісаны радкі з Максімава «Санэта». Крыху пазней, у 1981 годзе ў Ракуцёўшчыне беларускія пісьменнікі пасадзілі ў гонар Багдановіча «Максімаў сад». Аднаўленне сядзібы Лычкоўскіх пачалося ў 1991 годзе. На сёння музей уключае музейныя аб'екты: Дом арандатара, Дом гаспадара, Максімаў сад, гумно, Максімаву крыніцу і помнік. Спачатку быў адноўлены Дом арандатара ў якім летам 1911 года жыў М. Багдановіч. Як адзначаў сам паэт, у гэтым доме яму вельмі добра пісалася. Паколькі аўтэнтычных рэчаў паэта не захавалася, то ў экспазіцыі прадстаўлены экспанаты тых часоў: адзіны прыжыццёвы зборнік «Вянок» 1913 года, фотаздымак паплечнікаў В. Ластоўскага, Івана і Антона Луцкевічаў, ложак і стол, на якім усталяваны кнігі французскіх аўтараў, якімі захапляўся М. Багдановіч.  У Доме гаспадара адноўлены інтэр'ер тых часоў з фотаздымкам сям'і Лычкоўскіх. Ніякі фальварак у тыя часы не абыходзіўся без гумна, дзе сабраныя прылады працы тагачаснага селяніна: сані і воз, як узор кавальскай і сталярнай працы, пляцёныя рэчы з лазы і саломы. З 2014 года Ракуцёўшчына стала філіялам Дзяржаўнага музея гісторыі беларускай літаратуры.