Клецк. Руіны фарнага касцёла.

   На ўскраіне горада Клецк знаходяцца руіны старажытнага касцёла 16-га стагоддзя. Касцёл называўся Фарны касцёл, або касцёл Святой Троіцы. Храм пабудаваны ў 1550- х гадах. А ў 1560–х гадах князь Мікалай Радзівіл Чорны каталіцкі касцёл перадаў кальвіністам.

        У гэтым храме выступаў са сваімі прамовамі вядомы беларускі асветнік і гуманіст. Філосаф і гісторык Сымон Будны (1530 -1593). Жывя ў Клецку С. Будны займаўся самаадукацыяй і набываў кнігі заходнеўрапейскіх аўтараў. Займаўся аналізам лацінскіх і грэчаскіх аўтараў. Пасля смерці Радзівіла Чорнага храм зноў перададзены каталіцкаму касцёлу. У 1607 годзе касцёл асвечаны віленскім біскупам Юрыем Радзівілам.

        У часы Вялікай Айчыннай вайны касцёл быў часткова пашкоджаны. У 1950 – я гады храм быў узарваны. Ад касцёла засталася частка сцяны і падмуркі. У будучым святыню можна адбудаваць.

     Касцёл быў аднанефны, прамавугольны ў плане. Узведзены ў стылі позняй готыкі. Да асноўнага аб'ёму прыбудавана пяціграная апсіда. Сцены храма ўмацаваны контрфорсамі. Над галоўным фасадам надбудавана трохярусная вежа – званіца. Інтэр'ер быў упрыгожаны разнымі алтарамі і скульптурнымі выявамі. У касцёле былі падзямеллі.