Гродна. Будынак былога рамеснага вучылішча Э. Бергмана.

      У горадзе Гродна на старадаўняй вуліцы Вялікая Траецкая знаходзіцца вышынны вялікі будынак медыцынскага ўніверсітэта. Будынак размяшчаецца на павароце з вуліцы Вялікая Траецкая на вуліцу Віленская.

        Дом узведзены ў 1930-я гады ў часы Польскай Рэспублікі па праекце Варшаўскага архітэктара Н. Будынак створаны ў папулярным у тыя часы стылі канструктывізму. Даследнікі адзначаюць, што дадзены дом пабудаваны ў стылі «ампірнага» канструктывізму. Будынак каменны, трохпавярховы. Было вядома як рамеснае вучылішча Эліязара Бергмана. 

          Рамесная школа была заснавана яшчэ ў часы Расійскай імперыі ў 1902 годзе. Установа адукацыі размяшчалася спачатку ў будынку № 57 каля вялікай Харальнай сінагогі па вуліцы Вялікая Траецкая.

У вучылішчы рыхтавалі механікаў, кавалёў і слесараў. У 1920-я гады працавала аддзяленне для дзяўчынак па кройцы і шыццю. Навучалася ў вучылішчы каля 100 чалавек, а дырэктарам быў М.Гажаньскі.

       У савецкія часы пасля Вялікай Айчыннай вайны працавалі таксама ўстановы адукацыі: рамеснае вучылішча № 14, вучылішча металістаў, Гродзенскае вучылішча № 7.

Затым будынак перадалі Гродзенскаму медыцынскаму ўніверсітэту, які і цяпер тут знаходзіцца.

         На будынку ля галоўнага ўваходу ўстаноўлены дзве памятныя шыльды: падпольшчыкам А. Роліку і I. Шчаснаму, якія вучыліся ў рамесным вучылішчы, і заслужанаму дзеячу навук БССР М. Караблеву.