Гродна. Дом Фрумкіна (вул. Савецкая, 29).

У горадзе Гродна на пешаходнай вуліцы Савецкай ёсць каменны двухпавярховы будынак пад № 29, які мае даўнюю гісторыю. Дом знаходзіцца на скрыжаванні вуліцы Савецкай і Тэльмана. Будынак двухпавярховы. Доўгі час тут працаваў з савецкіх часоў з 1977 года магазін для дзяцей «Дзіцячы свет».

Будынак узведзены ў 19 стагоддзі ў часы Расійскай імперыі. Быў вядомы як "камяніца Фрумкіна". У 1909 годзе працавала кнігарня Іберскага, якую добра ведалі ва ўсім горадзе. Акрамя новых кніг, тут прадавалі партфелі і тэчкі, карты і глобусы, ноты і фарбы, Тэнісныя і футбольныя мячы, альбомы для марак.

Будынак у часы Польскай дзяржавы значна перабудавалі ў 1920-х гадах. У 1922 годзе пачала працаваць бібліятэка, дзе меліся самыя новыя выданні польскай белетрыстыкі і літаратуры.

Працавала крама пад назвай "Філармонія", якая належала Міцэльмахеру. Тут прадавалі квіткі ў гарадскі тэатр.

Працаваў "Банк народавы ў Гродне" ў 1938 годзе.

Пасля Вялікай Айчыннай вайны таксама будынак быў прыстасаваны для магазінаў і ўстаноў. Працаваў магазін Беластоцкай чыгункі ў 1945 годзе. А з 1947 года пачаў сваю працу Першы ўнівермаг у Гродне. З 1963 года дзіцячы магазін "Аленушка".

У канцы 1970-х гадоў пасля надбудовы другога паверха і карэннай рэканструкцыі пачаў працу магазін "Дзіцячы свет". Праект перабудовы будынка распрацаваў архітэктар Іван Мазнічка.

Цяпер тут працуе "Белінвестбанк", крама па продажы адзення "Славянка", караоке–клуб "На Месяцы " і іншыя ўстановы.