Гродна. Дом купцоў франкаў (вул.Савецкая, 12).

У горадзе Гродна на пешаходнай вуліцы Савецкай знаходзіцца каменны трохпавярховы будынак (дом нумар 12), які вядомы як Дом купцоў Франкаў. Будынак узведзены ў 1900 годзе ў часы Расійскай імперыі.

Спачатку дом належаў друкару Давіду Мейлаховічу, які быў сынам родапачынальніка выдавецкай справы ў Гродне Майсея Мейлаховіча, які скончыў Імператарскую Акадэмію мастацтва. Майсей меў двух сыноў: Іоселя і Давіда, якія сталі ў 1868 годзе першымі гаспадарамі літаграфіі ў Гродне. У 1893 годзе сын Давіда пад імем Зундэль заснаваў уласную выдавецкую фірму. У 1885 годзе велізарны пажар знішчыў будынак Мейлаховiча, і пасля аднаўлення пабудовы дом прадалі купцам Франкам.

Купцы ўзвялі на гэтым месцы вялікі сучасны будынак, у якім размяшчаліся крамы і ўстановы. Частку памяшкання Франк перадаў пад гарадскую публічную бібліятэку з 1903 года. Працавалі тут таксама Паўночнае страхавое таварыства, камера судовага следчага па важных справах, агенцтва расійскага страхавога таварыства.

У перыяд Польскай дзяржавы ў 1926 годзе тут жыў доктар С.Бiргер, працаваў пазней іпатэчны гаспадарчы банк.

Пасля Вялікай Айчыннай вайны размяшчалася крама па продажы піва, працавала абласная кантора "СОЮЗУТИЛЬ". Зараз тут працуе цэнтр банкаўскіх паслуг і магазін.