Гродна. Дом Левандоўскага (вул. Савецкая, 15).

Славутасьць

Беларусь, Гродзенская вобл., г. Гродна, вул. Савецкая, 15.

Апісанне

На пешаходнай вуліцы Савецкай горада Гродна знаходзіцца помнік архітэктуры - Дом Левандоўскага. Будынак трохпавярховы мураваны, узведзены ў 19 стагоддзі. Належаў шляхцічу Левандоўскаму. У розныя часы тут размяшчаліся жылыя кватэры, крамы і розныя ўстановы: аптэчныя склады я.Маліноўскага, фотамайстэрня Гіршы Абрамовіча Шульнер–Дамбавіцкага, фотаатэлье Рубінштэйна, крама адзення «Бон–Тон».

Пасля вайны тут была кантора хлебакамбіната, бюро бытавых паслуг, абласная кантора адвакатаў і крама «Галантэя». Цяпер аптэка "Салус" і юрыдычная кансультацыя.

Катэгорыі

Гістарычнае

Помнік архітэктуры

Каментары

Нататкі да месца

Алег Дзьячкоу

22.02.2025

Гродна. Дом Левандоўскага.

У горадзе Гродна на пешаходнай вуліцы Савецкай знаходзіцца шмат старадаўніх будынкаў і асабнякоў. Адзін з іх - гэта дом Левандоўскага. Будынак мураваны трохпавярховы, пабудаваны ў 1875-1885 гадах. Помнік узведзены ў стылі эклектыкі з элементамі класіцызму.

Першы будынак на гэтым месцы ў 1830-х гадах быў драўляным. У 1880-х дом ужо каменны, і гаспадаром маёмасці быў шляхціц I.Левандоўскі. У будынку таксама працавалі тры гандлёвыя крамы. У дакуменце 1910 года апісана, што дом"новы, трохпавярховы, крыты бляхай". Размяшчалася ў будынку шэсць вялікіх кватэр - у кожнай кухня і пяць пакояў.

У розныя гады тут працавалі крамы і ўстановы: аптэчныя склады Я.Маліноўскага, крама рускага кніжнага гандлю Міхайлаўскага і Крамкоўскага, фотамайстэрня Гіршы Абрамовіча Шульнер–Дамбавіцкага і фотаатэлье Рубінштэйна.

Падчас міжваеннай Польшчы ў 1937 годзе крама адзення "Бон-Тон".

Пасля Вялікай Айчыннай вайны тут была кантора хлебакамбіната, бюро бытавых паслуг, абласная кантора адвакатаў і крама «Галантэя». Цяпер тут працуе аптэка "Салус" і юрыдычная кансультацыя.