Гожа. Касцёл Пятра і Паўла.

У цэнтры мястэчка Гожа Гродзенскага раёна знаходзіца мураваны каталіцкі касцёл Пятра і Паўла. Мястэчка вядомае з 13 стагоддзя. У 13 стагоддзі ў часы Вялікага Княства Літоўскага было ўласнасцю вялікага князя Вітаўта.

У 1494 годзе быў заснаваны першы каталіцкі прыход і пабудаваны драўляны каталіцкі касцёл. У 16 стагоддзі мястэчка перайшло да Мікалая Паца. Потым зноў уласнасць вялікага князя. У гэты час мястэчка налічвала каля 500 двароў і мела права магдэбургскае на самакіраванне. У сярэдзіне 17 стагоддзя ў час вайны паміж Рэччу Паспалітай, шведамі і Царствам Маскоўскім мястэчка і касцёл былі спалены.

 Пасля вайны Гожа і касцёл адбудавалі ў новым месцы. У храме быў цудадзейны абраз, які захаваўся да нашага часу. У час Паўночнай вайны мястэчка спалена шведамі і прыйшло ў поўны заняпад. Пасля трэцяга падзелу Рэчы Паспалітай ў складзе Расійскай імперыі Гродзенскага ўезда Гродзенскай губерніі. Напрыканцы 18 стагоддзя гаспадаром мясцовай сядзібы быў Юліян Сільвестровіч.

У 1862 – 1865 гадах ў мястэчку на месцы старога драўлянага храма пабудаваны мураваны каталіцкі касцёл Святых Апосталаў Пятра і Паўла. Каля храма ўзведзена плябанія.

У часы Першай сусветнай вайны мястэчка моцна пацярпела ад абстрэлаў кайзераўскіх войск, але касцёл не закранула. У часы савецкай улады касцёл не зачыняўся. Пры святыне працуе прыхадскі музей. Вакол храма ўзведзена мураваная агароджа з бутавага камяня.