Грандзічы. Касцёл Святога Роха.
Храм
Беларусь, Гродзенская вобл., г. Гродна, вул. Грандзічская, 12 Б.
0
14
18.02.2025
Апісанне
На поўначы Гродна ёсць прыгарад Грандзічы, якое яшчэ некалькі год таму мела статус асобнага мястэчка, а зараз увайшло ў склад абласнога цэнтра. У 1910 годзе тут быў пабудаваны мураваны каталіцкі касцёл Святога Роха. Святыню зачынілі ў савецкія часы і прыстасавлі пад склад. Перадалі вернікам у 1990 годзе.
Помнік узведзены ў стылі неаготыкі. Інтэр'ер мае зальны тып. Галоўны алтар неагатычны драўляны, асвечаны ў гонар Маці Божай Фацімскай. Над уваходам размяшчаюцца хоры. Вакол храма ўзведзена мураваная агароджа. Касцёл дзейнічае.
На захад ад мястэчка знаходзіца мелавы кар'ер.
Катэгорыі
Гістарычнае
Помнік архітэктуры
Месцазнаходжанне
Шырата: 53.7201852
Даўгата: 23.81366812
Каментары
Усяго каментароў: 0
Нататкі да месца
1Алег Дзьячкоу
18.02.2025
Грандзічы. Касцёл Святога Роха.
На поўначы Гродна ёсць мястэчка Грандзічы ў якім пабудаваны мураваны каталіцкі касцёл Святога Роха. Зараз Грандзічы ўжо з'яўляюцца прыгарадам Гродна.
Мястэчка ўпершыню ў гістарычных крыніцах сустракаецца ў часы Вялікага Княства Літоўскага ў 16 стагоддзі. У 18 стагоддзі манахі кармеліцкага манастыра ў Гродна пры дарозе з Гродна на Гожу пабудавалі драўляную каталіцкую капліцу. У 1845 годзе ў часы Расійскай імперыі капліца была далучана да парафіі фарнага касцёла.
У 1910 годзе быў пабудаваны новы мураваны каталіцкі касцёл у Грандзічах. Храм асвяцілі ў гонар Святога Роха. Святыня ўзведзена па праекту архітэктара Вільгельма Срокі. У часы Польскай дзяржавы ў 1920-я гады храм быў залічаны да прыходу касцёла Францішка Ксаверыя ў Гродна.
Пасля Вялікай Айчыннай вайны ў савецкія часы касцёл зачынілі і прыстасавалі пад склад. У 1990 годзе будынак перадалі каталіцкім вернікам і быў распачаты рамонт. У 1992 годзе ў храме скончаны рамонт і святыня пачала працаваць.
Помнік узведзены ў стылі неаготыкі. Гэта прамавугольны ў плане аб'ём з трансептамі пяцігранай апсідай. Над галоўным фасадам надбудавана невялікая чацверыковая вежа – званіца.
Каментары
Усяго каментароў: 0