Зарачанка. Касцёл Нараджэння Маці Божай.

Паміж Гродна і Сапоцкіным ёсць невялікая вёска Зарачанка з каменным Каталіцкім Касцёлам. Храм асвяцілі ў гонар Маці Божай Ружанцовай.

Назва мястэчка паходзіць ад мясцовай невялікай рачулкі Зарачанка, якая праз адзін кіламетр упадае ў Нёман.

У гэтым невялікім пасёлку ёсць некалькі гістарычных славутасцяў: абарончы форт пачатку 20-га стагоддзя эпохі Расійскай імперыі, маецца мясцовы краязнаўчы музей, і архітэктурнай дамінантай ўзвышаецца над наваколлем Каталіцкі Касцёл.

 У мясцовым Доме культуры размяшчаецца музей "Мелодыя рушніка", дзе сабрана вялікая калекцыя ручнікоў і пакрываў. Усяго калекцыя ручнікоў складае больш за 100 адзінак. Тут вам пакажуць і раскажуць пра ручнікі радзільныя, вясельныя, бытавыя і многія іншыя. Асобная экспазіцыя прысвечана ў музеі беларускім дыванам і покрывам. Тут сабрана ўнікальная калекцыя тых рэчаў, якія раней нашы бабулі ўручную выраблялі. Цяпер такія рэчы толькі прамысловыя, а ў музеі вам пакажуць арыгінальныя ручной працы.

Узвышаецца над мястэчкам аднавежавы касцёл. Храм знаходзіцца ў самым цэнтры Зарачанкі насупраць Дома культуры з музеем.

  Пасля Рыжскага міру 1921 года мястэчка ў складзе Польскай дзяржавы да 1939 года. У 1927 годзе быў створаны мясцовы каталіцкі прыход і пачалося будаўніцтва касцёла, сродкі на які збіралі самі парафіяне. У 1937 годзе новы храм асвяцілі. Быў зроблены заказ на выраб галоўнага алтара ў касцёл. Але пачалася Другая Сусветная вайна і алтар не паспелі зрабіць.

Пасля Вялікай Айчыннай вайны касцёл закрылі ў 1962 годзе.

А ў 1989 годзе будынак зноў вернуты каталікам. Быў праведзены рамонт. У 1999 годзе былі зроблены бакавыя і галоўны алтар.