Гарадок. Царква Святых Космы і Даміяна.
Храм
Беларусь, Магілёўская вобл., Глускі раён, Гарадок.
._%C3%90%C2%A6%C3%90%C2%B0%C3%91%C2%80%C3%90%C2%BA%C3%90%C2%B2%C3%90%C2%B0_(01)-1741677550893.jpg&w=3840&q=75)
._%C3%90%C2%A6%C3%90%C2%B0%C3%91%C2%80%C3%90%C2%BA%C3%90%C2%B2%C3%90%C2%B0_(02)-1741677550811.jpg&w=3840&q=75)
Апісанне
У вёсцы гарадок Глускага раёна знаходзіцца праваслаўная царква Святых Космы і Даміяна. Храм пабудаваны ў пачатку 19-га стагоддзя ў часы Расійскай імперыі за сродкі памешчыка Жылінскага. Будынак узведзены па праекце архітэктара Ф.Санкоўскага. На працягу 19-га стагоддзя царкву рамантавалі два разы.
У савецкія часы царкву зачынілі, памяшканне перадалі пад майстэрню. У гады Вялікай Айчыннай вайны царкву перадалі праваслаўным вернікам, і яна больш не зачынялася. Гэты храм - помнік драўлянага народнага дойлідства. Царква дзейнічае.
Катэгорыі
Гістарычнае
Помнік архітэктуры
Каментары
Нататкі да месца
1Алег Дзьячкоу
11.03.2025
Гарадок. Царква Космы і Даміяна.
У вёсцы Гарадок Глускага раёна пабудавана драўляная праваслаўная царква Космы і Даміяна. Гарадок знаходзіцца па шляху з Глуска на горад Бабруйск, на беразе ракі Пціч. Упершыню ў дакументах пра царкву згадваецца ў 17 стагоддзі ў часы Вялікага Княства Літоўскага.
У 1814 годзе ў перыяд Расійскай імперыі памешчык Жылінскі фінансаваў будаўніцтва новай царквы. Храм узведзены па праекце архітэктара Фёдара Санкоўскага. Лічыцца, што царква пабудавана ў гонар вайны з французамі ў 1812 годзе. Памешчык Жылінскі быў удзельнікам гэтай вайны.
У часы імператара Аляксандра II будынак храма адрамантавалі і перабудавалі за кошт дзяржаўнай казны. Быў пабудаваны новы дом для настаяцеля храма і набылі царкоўныя рэчы для храма. У 1864 годзе царкве належала 33 дзесяціны зямлі. Прыбытак за год складаў 256 рублёў. Прыхаджан было 1052 жанчыны і 970 мужчын.
У 1884 годзе царкву зноў рамантавалі: купалы перарабілі і дах новы зроблены. У 1905 годзе вакол царквы ўзвялі агароджу і вароты.
У савецкія часы ў 1940 годзе храм зачынілі і памяшканне перадалі пад ганчарную майстэрню. У гады Вялікай Айчыннай вайны царква зноў пачала працаваць.
Царква помнік драўлянага народнага дойлідства з рысамі класіцызму.