Глуша. Этнаграфічны музей пад адкрытым небам.

У мястэчку Глуша Бабруйскага раёна знаходзіцца цэлы этнаграфічны музей пад адкрытым небам. Тут ёсць і старажытная драўляная царква, і вятрак і шмат яшчэ цікавых пабудоў.

      Глуша размяшчаецца вельмі зручна на трасе Бабруйск-Слуцк, і трапіць сюды вельмі лёгка. Мястэчка ўзнікла ў 19 стагоддзі ў часы Расійскай імперыі, калі тут пабудавалі завод па вырабе шкла.

        У 1920-1930-я гады ў глушы жыў вядомы беларускі пісьменнік Алесь Адамовіч (1927-1994). У Глушы захаваўся дом, дзе жыў пісьменнік. У 2019 годзе каля мясцовага Дома культуры быў усталяваны помнік А. Адамовічу. Мясцовы аўтобусны прыпынак аформлены па жыцці і творчасці А. Адамовіча. Пісьменнік пахаваны на мясцовых могілках.

      На сённяшні дзень у пасёлку пражывае больш за адну тысячу чалавек. Пры мясцовай сярэдняй школе ёсць краязнаўчы музей. Пасярод мястэчка створаны мемарыял, прысвечаны падзеям Вялікай Айчыннай вайны. Штогод у мястэчку праходзіць фестываль "Глушанскі хутарок".

        У апошнія гады ў Глушы створаны этнаграфічны музей пад адкрытым небам. Сюды з бліжэйшых вёсак і мястэчак звезена некалькі старажытных будынкаў і помнікаў. З мястэчка вуглы Бабруйскага раёна перавезлі драўляную праваслаўную царкву Святога Панцеляймона, якую ўзвялі ў 1880-я гады ў часы Расійскай імперыі. Ёсць у экспазіцыі вятрак 19-га стагоддзя, сялянскі дом 19-га стагоддзя, гумно і іншыя пабудовы.

       Каб вам па этнаграфічным музеі правялі экскурсію, неабходна звярнуцца ў Дом культуры, або сярэднюю школу.