Дзесятнікі. Могілкі часоў Першай сусветнай вайны

Могілкі з'яўляюцца часткай нашай гісторыі і культуры. У Беларусі захавалася нямала старажытных магіл. Бо тут адбылося мноства войн і бітваў. І праз нашу зямлю таксама прайшлі 2 сусветныя войны. Доўгі час, падчас Першай сусветнай вайны, фронт праходзіў непадалёку ад Дзесятнікаў. Сам пасёлак знаходзіўся на палове кайзераўскіх войскаў і тут былі пахаваны нямецкія і аўстрыйскія салдаты. Па некаторых звестках, тут таксама знаходзяцца пахаванні рускіх воінаў.

У пасляваенныя гады, у польскі час, у 1922 годзе, могілкі былі добраўпарадкаваны і створаны незвычайны мемарыял. На самым пагорку каля рэчкі Альшанкі, адкуль адкрываюцца цудоўныя краявіды, знайшлі свой спакой ахвяры сусветнай вайны. На магіле кожнага салдата ўсталявана невялікая квадратная таблічка з імем загінулага салдата і датай яго смерці. Над могілкамі ўзвышаецца васьмікутная вежа-ратонда, выкананая з каменя і граніту. Вежа ўстаноўлена на ступеністым пастаменце. На вяршыні вежы знаходзіцца скульптурная выява арла з шырока распраўленымі крыламі. На вежы ля галоўнага ўваходу на могілкі вісіць геадэзічны знак на польскай мове. Могілкі ўтрымліваюцца ў добрым стане.

Дабраўшыся да могілак, лёгка будзе пакінуць машыну ля аўтобуснага прыпынку справа. Перайдзіце дарогу налева, і на ўзгорку ўбачыце вежу, да якой вядуць каменныя прыступкі.