Брылі. Мемарыял, прысвечаны падзеям лістапада 1812 года.

На тэрыторыі Беларусі падчас вайны з Напалеонам у 1812 годзе адбываліся многія вельмі істотныя гістарычныя падзеі. Падчас адступлення французскіх войскаў у лістападзе 1812 года пад Барысавам праз раку Бярэзіну была створана пераправа каля вёсак Студзёнка і Брылі.

Гэты кірунак каля горада Барысава ў складзе рускіх войскаў абараняў адмірал Чычагаў. Але Напалеону дзякуючы ўдаламу манеўру ўдалося падманець Чычагава, які падумаў, што французы будуць перапраўляць свае войскі на поўдзень ад Барысава і туды накіраваў свае асноўныя сілы. У той жа час французы пачалі ўзводзіць на поўнач ад Барысава 2 Масты. І па гэтай пераправе 26-27 лістапада Напалеон перавёў на правы бераг на захад ракі Бярэзіны сваю гвардыю, асноўную баяздольную частку войскаў. Сам імператар пераправіўся 27 лістапада. Адмірал Чычагаў, калі зразумеў сваю памылку, то атакаваў сваімі войскамі французаў, але Напалеону ўдалося выйсці з гэтай складанай сітуацыі і адступіць на Смаргонь. Пры адступленні Напалеон загадаў знішчыць Масты раніцай 29 лістапада.

У выніку гэтай бітвы на Бярэзіне, якую палкаводцы і гісторыкі параўноўваюць па маштабе з бітвай Барадзіно, Напалеон страціў дзясяткі тысяч салдат і афіцэраў, а таксама грамадзянскіх асоб – забітымі і параненымі. Але Напалеону ўдалося вывесці сваю асноўную частку войскаў.

Пасля гэтай пераправы Напалеона, які здолеў падмануць адмірала Чычагава, пайшла вядомая прымаўка ў расійскім грамадстве:»Кутузаў – выратаваў Расію, Вітгенштэйн – выратаваў Пецярбург, а адмірал Чычагаў – выратаваў Напалеона".   

З часам на полі каля вёскі Брылі быў пабудаваны мемарыял. А ў апошнія гады кожны лістапад на Брылеўскім полі адбываецца рэканструкцыя тых трагічных і гераічных падзей з удзелам прафесійных клубаў.