Вялікія Чучавічы. Царква Пакрава Прасвятой Багародзіцы

Мястэчка Вялікія Чучавічы Лунінецкага раёна маюць драўляную праваслаўную царкву Пакрава Прасвятой Багародзіцы 19 стагоддзя.

 Упершыню мястэчка ўзгадваецца ў гістарычных крыніцах у часы Вялікага Княства Літоўскага ў 16 стагоддзі, калі ўваходзіла ў склад Пінскага павета Брэсцкага ваяводства і належыла Віленскаму ваяводзе Мікалаю Радзівілу.

 У другой палове 19 стагоддзя працавала царкоўна – прыхадское вучылішча і царкоўна – прыхадская апека, дзе дапамагалі інвалідам, хворым і сіратам. У 1886 годзе  было 58 двароў і 530 жыхароў.

 У 1851 годзе ў цэнтры мястэчка была пабудавана драўляная Пакроўская царква па фундацыі князя Вітгенштэйна. Раней у мястэчку таксама існавала царква, якая была знішчана пажарам у сярэдзіне 19 стагоддзя. У 1908 годзе да царквы прыбудавалім вежу – званіцу з 4 званамі па 5, 2, 2 і палтара пуда кожны. Абагрэву пячнога ў храме не было. Плошча храма 35 квадратных сажней.

Іканастас быў драўляны двухярусны з 13 абразамі, якія напісаны на халсце. Мелася з царкоўных рэчаў пасарэбраныя сасуды, два крыжы – медны і пазалочыны, жэсцяное панікадзіла і іншыя рэчы. Пры царкве было прыпісана пяць бліжэйшых вёсак. Пры царкве быў архіў, дзе частка дакументаў са старой царквы. Па штату 2 святара: настаяцель храма і псаломшчык. Даход царквы ў год складаў 30 рублёў. Мелася зямля пры храме пахатная, сенакос і лес з сядзібай царкоўнай з гаспадарчымі пабудовамі.

Царква пабудавана з трох зрубаў і складаецца з 4 асноўных частак: прытвор, трапезная, малітоўная зала і апсіда. Над асноўным аб'ёмам надбудавана 5 невялікіх купалоў – цыбулін на васьмігранных барабанах.