Чудзін. Царква Святога Георгія.

У мястэчку Чудзін Ганцавіцкага раёна ёсць драўляная праваслаўная царква, якую асвяцілі ў гонар Святога Георгія.

 Само мястэчка Чудзін вядомае з гістарычных крыніц з 16 стагоддзя і належыла ў тыя часы князю Радзівілу. У 1867 годзе ў Чудзіне на мясцовых могілках была пабудавана драўляная царква Святога Геогія. У 1880 – я гады ў Чудзіне было ўсяго 39 двароў і 349 жыхароў, а ў пачатку 20 стагоддзя 118 двароў і 790 жыхароў.

 Пасля Рыжскага міру 1921 года мястэчка ўваходзіла ў склад Лунінецкага павета Палескага ваяводства. І ў гэты час ў Чудзіне было ўжо 182 дома і 994 жыхара сярод якіх 928 беларусаў, 43 паляка і 23 яўрэя. Пасля Вялікай Айчыннай вайны нейкі час царква яшчэ працавала, але потым была зачынена.

Пасля развала Савецкага Саюза царкву перадалі праваслаўным вернікам і быў праведзены рамонт. Зімой 1992 года храм пачаў працаваць. Царква складаецца з трох асноўных частак: прытвор, малітоўная зала і апсіда. Асноўны аб'ём накрыты двухскатным дахам. Перад царквой пабудавана драўляная вежа – званіца. Царква адрамантавана і тэрыторыя каля храма добраўпарадкавана.