Вялікія Круговічы. Царква Святога Георгія.

Мястэчка Вялікія Круговічы знаходзіцца за 15 кіламетраў на ўсход ад раённага цэнтра Ганцавічы. У мястэчку ёсць драўляная праваслаўная царква 18 стагоддзя Святога Георгія, сядзіба Абуховічаў і капліца – пахавальня роду Абуховічаў 18 стагоддзя.

 Царква Святога Георгія пабудавана ў цэнтры мястэчка па фундацыі Ксаверыя Абуховіча ў 1771 годзе. Храм першапачаткова належыў уніяцкім вернікам, а потым у часы Расійскай імперыі ў 19 стагоддзі перайшоў да праваслаўных вернікаў. У інтэр'еры маецца двухярусны іканастас з 17 абразамі. Сярод абразоў ёсць такія, як «Прасвятая Багародзіца», «Марыя Егіпецкая», «Архангел Гаўрыіл», «Святы Мікалай Цудатворац» і іншыя.

Царква пабудавана ў традыцыях народнага драўлянага дойлідства. Складаецца з чатырох асноўных частак: прытвор, трапезная, малітоўная зала і апсіда. Над асноўным аб'ёмам узвышаецца васьмігранны барабан, які завершаны шматграным шатром.

 Перад царквой узведзена драўляная вежа – званіца. Царква адрамантавана ў апошнія гады.

 У 1864 годзе мястэчка наведаў вядомы расійскі гісторык і  мастак  Дзмітрый Струкаў (1828 – 1899), які пакінуў малюнак царквы.