Збочна. Царква Узвіжэння Святога Крыжа

У мястэчку Збочна Слонімскага раёна пабудавана драўляня царква Узвіжэння Святога Крыжа. Храм знаходзіца на пагорку і акружон мураванай агароджай з бутавага камяня.

 Першая царква ў мястэчку была пабудавана ў часы Вялікага Княства Літоўскага ў 17 стагоддзі. Храм знаходзіўся на мясцовых могілках. Новую драўляную   праваслаўную царкву пабудавалі ў часы Расійскай імперыі ў 1850 годзе. Пасля Вялікай Айчыннай вайны святыню зачынілі. Перадалі будынак вернікам і правялі рамонт у 1991 годзе. Царква дзейнічае.

 Помнік узведзены ў традыцыях народнага драўлянага дойлідства. Складаецца царква з трох асноўных архітэктурных частак: прытвор, малітоўная зала і апсіда. Над прытворам надбудавана чацверыковая вежа – званіца, якая завершана васьміграным барабанам і шатром – цыбулінай. Асноўны аб'ём накрыты двухсхільным дахам.

 На ўскрайку мястэчка ёсць гарадзішча – помнік археалогіі.

Родам з гэтага краю, з самога мястэчка Збочна беларускі драматург, празаік і пісьменнік Кандрат Лейка (1860 – 1921). Ён вучыўся пад Гродна ў Свіслачы ў гімназіі.  Пачаў у 1880 – х пісаць вершы для дзяцей на беларускай мове. Друкаваўся ў беларускіх газетах. У Вільні выдаў асобным выданнем п'есу «Снатворны мак» у 1912 годзе, якая лічыцца першай п'есай для беларускага лялечнага тэатра.