Реклама. ООО «Бронирование гостиниц». ИНН 7703389880
Вялікая Кракотка. Старажытныя могілкі
Мемарыяльны комплекс
Беларусь, Гродзенская вобл., Слонімскі район, Вялікая Кракотка
Апісанне
У мястэчку Вялікая Кракотка ёсць некалькі помнікаў архітэктуры і помнікаў прыроды. На ўскрайку мястэчка на гары узвышаецца старажытная мураваная царква Раства Багародзіцы 19 стагоддзя, якія зараз знаходзіцца пры новым манастыры. Праваслаўны манастыр узнік некалькі год таму ў 2009 годзе пад назвай Свята – Засіма – Саваціеўскі мужскі манастыр. З лева ад царквы знаходзяцца старажытныя могілкі мястэчка. На могілках захавалася да нашага часу шмат старых пахаванняў, каменных надмагільных помнікаў і мураваная капліца.
Катэгорыі
Крушня
Гістарычнае
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
13.02.2025
Вялікая Кракотка. Старажытныя могілкі.
У Слонімскім раёне ёсць мястэчка Вялікая Кракотка. У гэтым мястэчку знаходзіцца некалькі помнікаў архітэктуры і даўніны. Тут ёсць мураваная царква 19 стагоддзя, новы праваслаўны манастыр і некалькі помнікаў прыроды ў тым ліку вялізны валун і крыніца з лекавай вадой.
На ўзвышшы на самым ўскрайку Вялікай Кракотке распаложаны незвычайны мураваны храм, які пабудаваны з бутавага камяня. У падножжа гары з права знаходзіцца праваслаўны манастыр. А з лева ад мураванай царквы распаложаны старажытныя могілкі.
Царква Раства Багародзіцы была пабудавана яшчэ ў часы Расійскай гісторыі. Згодна адной інфармацыі, што храм быў узведзены ў 1883 годзе, замест старой драўлянай царквы, якая першапачаткова, магчыма, была ўніяцкім храмам. Па іншым крыніцам – што храм пабудаваны да 1839 года, як уніяцкі, а потым перададзены праваслаўным вернікам.
Глядзя на архітэктуру храма падобна на тое, што царква пабудавана напрыканцы 19 стагоддзя ў рэтраспектыўна – рускім стылі адразу, як праваслаўная царква. А паколькі мястэчка ў тыя часы было значна больш вялікае, чым зараз, то тут павінна быць і даўнейшая царква з часоў Вялікага Княства Літоўскага. А ў тую эпоху ў вёсках і мястэчках будавалі пераважна ўніяцкія храмы.
Царква Раства Багародзіцы складаецца з трох асноўных архітэктурных частак: прытвор, малітоўная зала і апсіда.
Над прытворам надбудавана шматярусная вежа – званіца васьмярык на чацверыку. Мастацкі прыём аздобы храма заснаваны на спалучэнні шэрага колеру натуральнага камня і белай атынкоўкі. Пры будаўніцтве храма выкарыстана тэхніка ізюмнай кладкі – гэта калі вакол вялікіх камянёў з маленькіх каменчыкаў робяцца розныя ўзоры і дэкор.
Лічыцца, што царкву пабудавалі самі мясцовыя сяляне, але пад кіраўніцтвам нямецкіх майстроў. Хаця гэты храм не ўнікальны для Беларусі, бо ў 19 стагоддзі з камяня з прымяненнем такой тэхналогіі будаўніцтва вялося масава і ня толькі культавых будынкаў, але і жылых і гаспадарчых пабудоў.
З левага боку ад царквы знаходзяца мясцовыя могілкі.
Тут можна пабачыць мноства старых пахаванняў і крыжоў. Верагодна, што хаваць тут пачалі значна раней, чым пабудавалі мураваную царкву Раства Багародзіцы. Ёсць тут на могілках таксама мураваная капліца. Храм зусім невялікі, узведзены з бутавага камяня на высокім падмурку. З фасада капліца мае нішу, дзе раней была ўсталявана скульптура, або абраз. Капліца ў плане ўтварае чатырохвугольнік, накрыта чатырохсхільным дахам. Мноства тут пахаванняў з каменнымі помнікамі і металічнымі крыжамі. Некаторыя крыжы маюць скульптурныя выявы з распяццем.
