Падлабенне. Касцёл Маці Божай Ружанцовай

У мястэчку Падлабенне Гродзенскага раёна ёсць мураваны каталіцкі касцёл. Храм асвяцілі ў гонар Маці Божай Ружанцовай. У часы Вялікага Княства Літоўскага кароль Рэчы Паспалітай Аўгуст ІІ заснаваў у мястэчку ўніяцкую парафію ў 1715 годзе.

 Пасля падзелаў Рэчы Паспалітай напрыканцы 18 стагоддзя ў складзе Расійскай імперыі. У 19 стагоддзі ўніяцтва было ў Расіі забаронена і храм перадалі праваслаўным вернікам. Напрыканцы 19 стагоддзя драўляны храм разабралі.

 У 1887 годзе ў мястэчку была пабудавана мураваная праваслаўная царква ў стылі неакласіцызму. Пасля рэвалюцыйных падзей і з пачаткам Першай сусветнай вайны ў 1917 годзе храм перадалі каталіцкім вернікам. Пасля Рыжскага міру ў 1921 годзе гэтыя мясціны апынуліся ў складзе Польскай дзяржавы да прыходу савецкай улады ў 1939 годзе.

У 1929 годзе касцёл асвяцілі ў гонар Ружанцовай Божай Маці. Крыху пазней дабудавалі да храма капліцу ў 1935 годзе.

Ужо пасля Вялікай Айчыннай вайны ў савецкія часы ў 1956 годзе над храмам надбудавалі купал і прыбудавалі сакрысцію. У савецкія часы святыня не зачынялася і працавала ўвесь час. У 1983 годзе каля касцёла ўзвялі капліцу ў стылі мадэрн.

 Вакол храма мураваная агароджа, і калі пад'язжаеш да помніка, то складваецца ўражанне, што перад табой нейкая крэпасць, або замак