Заполле. Сядзіба Плятэраў

Калі будзеце ехаць у горад Пінск з трасы М – 10 Брэст – Гомель, то з правага боку ў прыгарадзе будзе мястэчка Заполле. Гэта ўжо прыгарад Пінска, але юрыдычна лічыцца вёска Заполле Пінскага раёна. У цэнтры мястэчка знаходзіца сядзіба Плятэраў. З вуліцы Пінскай павярніце на вуліцу Паркавую і едце да канца вуліцы і з права пабачыце парк, дзе можна паставіць сваю машыну і прагуляцца па парку і падыйсці да палаца.

Упершыню Заполле ўпамінаецца ў 15 стагоддзі і належыла ў тыя часы Тышковічам. У 16 стагоддзі гэта было ўладанне пінскага старасты Каспара Івановіча, а затым Вішневецкіх. У 17 стагоддзі тут гаспадараць князья Друцкія – Любецкія, потым перайшло да Пуслоўскіх. Апошні кароль Рэчы Паспалітай і Вялікі Князь Літоўскі Станіслаў Аўгуст Панятоўскі наведаў сядзібу ў 1784 годзе, для якога быў арганізаваны ўрачысты прыём. З 1872 года сядзіба, як прыданае Генавефы Пуслоўскай перайшло да графа Плятэра. Пасля Першай сусветнай вайны Мар'ян Стэфан Вандалін Плятэр зрабіў Заполле цэнтрам сваіх уладанняў. Пасля Рыжскага міру 1921 года Плятэр быў тут гаспадаром да 1939 года.

 У гэты міжваенны перыяд быў пабудаваны новы палац. Будынак драўляны, аднапавярховы, пабудаваны ў традыцыях сядзібных пабудоў мяжы 18 – 19 стагоддзяў з элементамі барока і класіцызму. Вакол палаца размяшчаецца старажытны пейзажна - рэгулярны парк у якім ёсць старыя дубы якім па 200 год.