Узда. Царква Пятра і Паўла.

       У невялікім горадзе Узда пабудавана мураваная праваслаўная царква Пятра і Паўла. Храм знаходзіца на вуліцы з цікавай назвай Красная Плошча недалёка ад старажытнага каталіцкага касцёла.

        Помнік узведзны ў часы Расійскай імперыі ў 1905 годзе ў рэтраспектыўна–рускім стылі. Перад храмам была драўляная званіца і 3 звона. Архітэктар В. Струеў. 

        Першая царква была пабудавана ў часы Вялікага Княства Літоўскага ў 16 стагоддзі. Фундатарамі першай царквы, якую асвяцілі ў гонар Пятра і Паўла, былі магнаты Корсакі. Храм некалькі разоў перабудоўваўся і знішчаўся ў час войнаў і пажараў.

        У 1848 годзе была пабудавана першая мураваная праваслаўная царква. Сродкі на пабудову святыні даў уладальнік мястэчка Тадэвуш Завіша. Храм быў пабудаваны з бутавага камяня, у плане будынак меў квадрат. Дах крыты гонтам. Падлога драўляная. Іканастас двухярусны з 16 абразамі.

         У 1905 годзе стары мураваны храм быў значна перабудаваны. І ў такім выглядзе царква дайшла да нашага часу.

         У савецкія часы ў 1930–я гады храм зачынілі і будынак прыстасавалі пад зернесховішча. У час Вялікай Айчыннай вайны царква зноў пачала працаваць і потым ніколі ўжо не зачынялася.

         Царква мае падоўжана–восевую пабудову. Складаецца з трох асноўных частак: трапезная, малітоўная зала і апсіда.

        Помнік адрамантаваны некалькі год таму.