Сапоцкін. Капліцы–пахавальні Дзяконскай і Гурскага.

У мястэчку Сапоцкін Гродзенскага раёна знаходзіцца мноства помнікаў архітэктуры даўніны. Дамінантай мястэчка з'яўляецца каталіцкая царква 18-га стагоддзя. На мясцовых могілках ёсць дзве каменныя капліцы 18-19 стагоддзя.

Упершыню мястэчка згадваецца ў гістарычных крыніцах у 16 стагоддзі ў часы Вялікага Княства Літоўскага. У 1703 годзе ў Сапоцкіне было шведскае войска на чале з каралём Карлам XII. У 1704 годзе тут працавала царква, а ў 1724 годзе пабудавалі новы храм. Антоній Валовіч з жонкай Тэафіліяй заснавалі ў 1789 годзе Каталіцкі Касцёл. 

Пасля трэцяга падзелу Рэчы Паспалітай мястэчка ў складзе Прусіі. Пачынаючы з 1807 года ў складзе Герцагства Варшаўскага. З 1815 года ўвайшло ў Царства Польскага Расійскай імперыі.

У 19 стагоддзі на мясцовых могілках было пабудавана дзве каменныя капліцы. Адна капліца-пахавальня Юліі Дзяконскай, і другая побач капліца Юзафа Гурскага.

Капліца Юліі Дзяконскай пабудавана ў рэтраспектыўна-гатычным стылі. Храм пабудавалі ў 1868 годзе ў памяць Юліі Дзяконскай з роду Быхаўцаў (1825 - 1858), якая была жонкай Яўстафія Дзяконскага (1820 - 1894). Храм у плане мае прамавугольную форму. Накрыты будынак двухсхільным дахам. На галоўным фасадзе трапецападобны шчыт, над якім невялікая чацверыковая вежачка. Уваходны партал і ніша над ім маюць стральчатую канфігурацыю. Сцены атынкаваныя і ўпрыгожаны ўкрапінамі з дробных камянёў.

Побач знаходзіцца капліца-пахавальня Юзафа Гурскага. Храм пабудаваны ў 1893 годзе ў рэтраспектыўна–гатычным стылі. Будынак у плане мае прамавугольную форму. Накрыты будынак двухсхільным дахам. Над галоўным фасадам і па баках фасада шматгранныя вежкі.

Капліцы маюць статус гісторыка-культурнай каштоўнасці.