Перстунь. Касцёл Дабравешчання Найсвяцейшай Дзевы Марыі

На ўскрайку мястэчка Перстунь Гродзенскага раёна пабудаваны мураваны каталіцкі касцёл Дабравешчання Найсвяцейшай Дзевы Марыі. Грэка - каталіцкая парафія ў мястэчку была створана ў 1780 годзе ў часы Вялікага Княства Літоўскага.

Мураваную царкву ў стылі класіцызму пабудавалі ў 1818 годзе і храм належыў уніятам. Пасля забароны ўніяцтва ў Расійскай імперыі храм перадалі праваслаўным вернікам. Пасля прыходу і ўсталявання Польскай дзяржавы ў 1919 годзе будынак перадалі каталікам. Касцёл асвяцілі ў гонар Дабравешчання Найсвяцейшай Дзевы Марыі.

У час Вялікай Айчыннай вайны касцёл моцна быў пашкоджаны гітлераўскімі захопнікамі. Але пасля вайны святыня працавала да 1960 – х гадоў. Помнік знаходзіўся ў занядбаным стане. Касцёл перадалі вернікам у 1990 годзе і былі адноўлены службы.

Помнік узведзены па тыпу базілікі. Прамавугольны ў плане з апсідай. Над прытворам надбудавана трохярусная цыліндрычная вежа – званіца. У інтэр'еры тры нефы, а над уваходам хоры з арганам. Захаваўся іканастас ад праваслаўнай царквы, які перанеслі да алтара. У іканастасе ўсталяваныя кталіцкія абразы: Святога Стэфана, Дзевы Марыі, Святога Ваўжынца і Найсвяцейшага Сэрца Ісуса.