Касцёл у Сапоцкіне

У пачатку 16 стагоддзя кароль Жыгімонт І Стары падараваў мястэчка Свяцк, што знаходзіцца непадалёк, шляхцічу Шымку Сапоцьку, які заснаваў мястэчка з назвай Сапоцкін. У 17 стагоддзі магнат Ян Валовіч фундаваў першы касцёл у Сапоцкіне. У 19 стагоддзі улады Расійскай імперыі зачыняюць касцёл і касцёл перайшоў да праваслаўных. І толькі ў 1916 годзе храм быў вернуты каталікам. У 1930- х гадах касцёл быў значна перабудаваны. У часы другой сусветнай вайны моцна пашкоджаны ў час ваенных дзеянняў. І дзякуючы намаганням прыхаджан святыня была адрэстаўравана. Касцёл зараз дзейнічае. Касцёл абнесены па перыметру мураванай агароджай з вялікай брамай каля галоўнага ўваходу. Храм помнік  у стылі эклектыкі з элементамі барока, класіцызму і готыкі. Трохнефная базіліка з трансептам. Галоўны фасад касцёла падзелены карнізамі на некалькі ярусаў. У цэнтральнай цастцы фасада плоскі порцік з трохвугольным франтонам, над якім знаходзіцца паўкруглы шчыт. Галоўны фасад упрыгожаны дэкаратыўнымі вазамі.