Ракавіца. Капліца–пахавальня роду Талочкаў.

Упершыню Ракавіца ўпамінаецца ў 16 стагоддзі. Належыла розным гаспадарам: Рамановічам, Сокалам, потым князям Шуйскім. На мясцовых могілках была ўніяцкая капліца, дзе хавалі Шуйскіх.

 Затым Ракавіца перайшла ў 18 стагоддзі да роду Талочкаў і належыла ім 200 год. Апошнім уладальнікам быў Тэадор Талочка (1876 – 1946), які быў жанаты на Ядзвіге з роду Паніквіцкіх. Талочкі пабудавалі сядзібу з паркам і капліцай – пахавальней на могілках. Да палаца сядзібы вяла алея з топаляў шырыня якой 6 метраў.

 Фамільнае пахаванне было на мясцовых на ўзвышшы могілках, дзе і ўніяцкая царква Шуйскіх, якія знаходдзяца на ўдаленні ад палацу. Капліца Талочка пабудавана ў 1910 годзе  з цэглы ў стылі неаготыкі . Над уваходам надбудавана чацверыковая вежа са шпілем па вуглам якой былі маленькія вежачкі. Па бакам капліцы па тры неагатычных вакна. Апсіда трохгранная з контрфорсамі. З лева ад капліцы магіла Станіслава Талочка (1868- 1935).

С. Талочка быў вядомы ў Польшчы, як выкладчык і навуковец. Скончыў у Варшаве ўніверсітэт фізіка – матэматычны факультэт. Стажыроўку праходзіў у Германіі, а пасля абароны доктарскай ступені працаваў у Львове ў мясцовым універсітэце, дзе быў дырэктарам інстытута хіміі.

 Доктар філасофіі, прафесар хіміі, аўтар падручнікаў і навуковых прац па арганічнай хіміі па якім у Польшчы вучылася некалькі пакаленняў студэнтаў.

 На могілках захавалася шмат старых мураваных надмагільных помнікаў.  За капліцай магіла Леакадзіі Паніквіцкай і Рамана Малахоўскага.

У савецкія часы капліца была разрабавана. Верхняя частка вежы разабрана. Капліца знаходзіцца ў занядбаным стане