Прылукі. Сядзіба Чапскіх.

Першая згадка пра сядзібу ў Прылуках прыпадае на 1567 год. Раней тут была першая паштовая станцыя. У сярэдзіне 17 стагоддзя Агінскі тут быў заснаваны праваслаўны манастыр, які праіснаваў да 1740 года. Затым новыя ўладальнікі Іваноўскія пераўтварылі манастыр у замак. А чарговы ўладальнік сядзібы Антон Горват заняўся яе абнаўленнем і перабудовай, у выніку якой і з'явіўся шыкоўны неагатычны палац. Таксама ён узвёў тут шэраг гаспадарчых пабудоў. Сёння мы можам убачыць комплекс захаваных гаспадарчых пабудоў, якія размяшчаюцца недалёка ад сядзібнага дома: хлебны свіран 1871 пабудовы, бровар, карэтную, дом 19 стагоддзя, у якім жылі працоўныя.

Апошнімі ўладальнікамі палаца былі граф Гутэн-Чапскі і яго сын. Яны ўдасканалілі сядзібу, узвялі шэраг дадатковых пабудоў. Вядома, што пры іх інтэр'еры палаца славіліся асобай раскошай. Таксама яны былі ўладальнікамі багатых калекцый твораў мастацтва, кніг, манет, карцін. У часы росквіту сядзібы тут гасцявалі Станіслаў Манюшка, Напалеон Орда. Пасля рэвалюцыі Чапскія пакінулі сядзібу, яна стала выкарыстоўвацца як хата адпачынку НКУС. У часы Вялікай Айчыннай вайны ў сядзібе размяшчалася нямецкая ваенная камендатура. У 1944 годзе палац быў падпалены пры адступленні немцаў і моцна разбураны. Абнаўленне і аднаўленне будынка, частковае яго дабудаванне адбылося толькі ў 1958-1959 гады.

Сёння палацава-паркавы комплекс у Прылуках - вельмі прыемнае, даволі маляўнічае і атмасфернае месца. Будынак палаца вонкава выглядае добра, але вельмі шкада што нельга патрапіць унутр. Прылеглая да палаца тэрыторыя з лаўкамі і кветнікамі акуратная і дагледжаная. Добрая лакацыя для фотасесіі, можна зрабіць выдатныя кадры. Вакол будынка сустракаюцца дрэвы, якія засталіся з былога сядзібнага парку. Было цікава паглядзець пакінутыя гаспадарчыя пабудовы - але хвалюе што яны ў недагледжаным стане.