Поразава. Сінагога

Старадаўняе мястэчка Поразава ў Свіслацкім раёне вядомае з 15 стагоддзя. Належыла спачатку каралю і адносілася да Навагрудскага ваяводства. Ян Рыдвід заснаваў тут у 1460 годзе першы касцёл. У 1506 годзе Вялікі князь Літоўскі Аляксандр надаў мястэчку права Магдэбургскае. Недзе ў гэты час у Поразава з'явіліся і першыя яўрэі. Пасля трэцяга падзелу Рэчы Паспалітай у 1795 годзе Поразава апынулася ў складзе Расійскай імперыі. Па загаду імператрыцы Кацярыны ІІ усім яўрэям было загадана з вёсак перасяліцца ў гарады і мястэчкі. І ў 19 стагоддзі ў Поразава значная частка насельніцтва былі менавіта яўрэі. Было пабудавана некалькі сінагог і малітоўных дамоў. У 1878 годзе ў мястэчку налічвалася каля 300 дамоў. У 1878 годзе насельніцтва складала 1424 чалавека і з іх 556 яўрэя. У пачатку 20 стагоддзя ў часы Польшчы ўсе храмы ў Поразава працавалі. У часы Вялікай Айчыннай вайны Поразава было пад акупацыяй і большая частка яўрэяў была знішчана нацыстамі.

На сённяшні дзень у мястэчку ёсць касцёл, царква і шляхецкі маёнтак. Да нашага часу таксама захавалася мураваная сінагога 19 стагоддзя. Сінагога двухпавярховая, пабудавана з бутавага камення. Некалькі год таму яе выкупіў прыватны гаспадар і зараз праводзіцца рамонт.

Родам з Поразава вядомая актрыса тэатра і кіно, заснавальніца Яўрэйскага тэатра ў Варшаве Эстэр Рахель Камінская (1870 – 1925).