Парэчча. Царква Раства Багародзіцы

У Пінскім раёне на поўнач ад горада ёсць вялікае мястэчка Парэчча з некалькімі гістарычнымі мясцінамі: музей паэтэсы Яўгеніі Янішчыц, цукровы завод і парк сядзібы Скірмунтаў і многае іншае. У мястэчку ёсць таксама драўляная царква Раства Багародзіцы. 

Упершыню Парэчча ўпамінаецца ў 15 стагоддзі. У 17 стагоддзі гаспадараць тут Цярлецкія, а затым Агінскія. Апошнімі гаспадарамі да 1939 года былі Скірмунты.

У 1866 годзе ў Парэччы ўзвялі драўляную царкву, якую ў 1907 годзе знішчыў пажар. Прыхаджане сабралі сродкі і ў 1912 годзе ў мястэчку была пабудавана новая праваслаўная царква Раства Багародзіцы. Ня гледзячы на тое, што храм перажыў дзве сусветныя вайны і савецкую эпоху будынак святыні загінуў ад пажара ў пачатку 2000- х гадоў і зноў быў храм адбудаваны к 2005 году.

 Пры адбудове была захаваная гістарычная архітэктурная планіроўка і кампазіцыя. Царква складаецца з чатырох асноўных частак: прытвор, трапезная, малітоўная зала і апсіда. Аснову кампазіцыі храма складае трохярусны зруб да якога прыбудаваны прытвор з трохяруснай вежай – званіцай, трапезная, бакавыя прыдзелы і апсіда. У інтэр'еры ёсць абраз «Мікалай Цудатворац» 19 стагоддзя.