Аздамічы. Царква Святой Троіцы

У 70 кіламетрах на ўсход ад раёнага горада Столін знаходзіца мястэчка Аздамічы. Побач з вёскай на раке Сцвіга ёсць помнікі археалогіі эпохі неаліту і бронзавага века. Пісьмовыя першыя ўзгадкі пра мястэчка адносяцца да 1509 года. У перыяд Вялікага Княства Літоўскага 16 – 18 стагоддзі Аздамічы ўваходзілі ў Пінскі павет Брэсцкага ваяводства. У перыяд Расійскай імперыі ў Мазырскім уездзе Мінскай губерніі.

 Сярод мястэчка пабудавана праваслаўная царква Святой Троіцы. Дакладны час пабудовы царквы невядомы. Па дакументам Траецкая царква сустракаецца ўжо ў 16 стагоддзі. У 19 стагоддзі ў часы Расійскай імперыі да царквы ў Аздамічах было прыпісана яшчэ некалькі вёсак. У 1809 годзе з царкоўных дакументаў вядома што храм меў уласную зямлю. Да 1873 года існавала старая царква, якую пабудавалі на дубовых сваях. Вясной 1874 года пачалі разбіраць стары храм і ў той жа час залажылі новую святыню, якую асвяцілі ў 1877 годзе.

Праз некаторы час быў узведзены новы храм у 1893 годзе, які захаваўся да нашага часу. Царква пабудавана ў псеўда – рускім стылі з элементамі мадэрну. Храм пабудаваны з чатырох частак: прытвор, трапезная, малітоўная зала і пяцігранная апсіда з бакавымі  рызніцамі. Над прытворам вежа – званіца. У інтэр'еры ёсць трохярусны іканастас і абразы 19 стагоддзя  і тым ліку «Святы Мікалай».