Полацк. Музей беларускага кнігадрукавання.

Музей беларускага кнігадрукавання з'яўляецца адным з найбуйнейшых музеяў Полацка. Ён быў акрыты ў 1990 годзе да дня святкавання 500-годдзя з дня нараджэння Францыска Скарыны.

У музеі 15 выставачных залаў з 2500 музейнымі экспанатамі, якія размяшчаюцца на двух паверхах. Агульная плошча музея каля 1000 кв.

У музеі мы можам даведацца пра гісторыю ўзнікнення і развіцця кнігадрукавання на нашых землях, і пра тое, які шлях праходзяць кнігі, перш чым апынуцца на паліцы крамы.

Тут захоўваюцца такія ўнікальныя экспанаты як старажытныя рукапісныя скруткі, вельмі рэдкія і каштоўныя кнігі. Вельмі цікава разглядаць кнігі мінулых стагоддзяў! Сярод старадрукаў тут "Евангелле настаўнічае" 1595 года выдання, «12 прамоў» Геранім Фалецкі 1558 года выдання, «Мінея агульная» 1628 года выдання. У музеі мы таксама можам азнаёміцца з разнастайнай друкаванай прадукцыяй розных гадоў выдання - гэта і часопісы, і газеты, а таксама паштоўкі, улёткі, календары, буклеты. У музеі мы можам убачыць як выглядалі пісьмовыя прылады ў старажытнасці, вывучыць пісьмовыя прыборы мінулых стагоддзяў, друкарскі станок, ціскі, папяровы прэс. Тут прапанаваны і сучасныя выданні - лепшыя кнігі-лаўрэаты конкурсаў.

Таксама тут можна на свае вочы ўбачыць адноўленую майстэрню перапісчыка кніг, у якой ён сядзіць з гусіным пяром у руках, а таксама можна ўбачыць друкарню 17 стагоддзя, у якой працуюць наборшчык і друкар. У музеі таксама прадстаўлены інтэр'еры кабінетаў пісьменнікаў 17-18 стагоддзяў, інтэр'ер майстэрні мастака-афарміцеля.

У музеі беларускага кнігадрукавання можна ў поўнай меры здзейсніць падарожжа ў часе і наглядна прасачыць эвалюцыю кнігадрукавання і саміх кніг. Гэта неверагодна займальна!

Гэта выдатны пазнавальны музей, у якім сапраўды будзе цікава і дарослым, і дзецям.