Музей "Віцебскі цэнтр сучаснага мастацтва".

Горад Віцебск у нас у першую чаргу асацыюецца з мастакамі і мастацкай школай. У апошнія гады ў горадзе было адкрыта некалькі музеяў, якія распавядаюць аб мастацкіх традыцыях Віцебскага краю.

Некалькі гадоў таму на вуліцы Марка Шагала ў цэнтры Віцебска быў адкрыты музей»Віцебскі цэнтр сучаснага мастацтва". Музей працуе ў старадаўнім будынку ў якім у 1918-1923 гадах працавала Віцебскае народнае мастацкае вучылішча.

 Вучылішча было заснавана Маркам Шагалам. У экспазіцыі музея распавядаецца пра мастацкую гісторыю Віцебска 19 - 20 стагоддзяў, пра творчае аб'яднанне УНОВІС, якое перакладаецца, як «Сцвярджальнікі новага мастацтва», пра выдатных мастакоў, якія тут працавалі: Марк Шагал, Казімір Малевіч, Эль Лісіцкі і іншых.

Мастацкае вучылішча было адкрыта па ініцыятыве М. Шагала і першапачаткова знаходзілася ў асабняку банкіра Ізраіля Вішняка. Будынак быў пабудаваны ў 1913 годзе і нацыяналізаваны пасля рэвалюцыі.

Першым дырэктарам мастацкага вучылішча быў вядомы мастак Мсціслаў Дабужынскі, які выкладаў кампазіцыю, напісанне партрэтаў і маляванне з натуры. Майстэрню плаката выкладаў мастак-авангардыст Іван Пуні. Майстэрню сучаснага прыкладнога мастацтва арганізавала Ксенія Багуслаўская. Скульптурную майстэрню-Іван Тыльберг. Марк Шагал арганізаваў"свабодную майстэрню". Казімір Малевіч чытаў лекцыі і рабіў даклады.

Але росквіт мастацкага вучылішча працягваўся ўсяго пару гадоў. Затым мастацкае вучылішча перавялі ў іншы будынак у цэнтры горада на вуліцу Суворава.

У экспазіцыі сучаснага музея прадстаўлены скульптура, графіка, фатаграфіі сучасных аўтараў. Распавядаецца пра мастацкія традыцыі Віцебска і пра сучасныя кірункі мастацтва.