Новы Свержань. Касцёл Пятра і Паўла.

Па шляху з Стоўбцаў на Нясвіж праз некалькі кіламетраў вы патрапіце ў мястэчка Новы Свержань, у якім захавалася некалькі помнікаў архітэктуры. На былой гандлёвай плошчы ўзвышаецца каталіці касцёл і праваслаўная царква. Касцёл Пятра і Паўла знаходзіцца прама ў вас па шляху і быў пабудаваны ў 16 стагоддзі. У 1588 годзе Радзівіл фундаваў каталіцкі касцёл, які будаваўся да 1600 года. За стагоддзі свайго існавання каталіцкая святыня некалькі разоў перабудоўвалася. У савецкія часы касцёл быў зачынены, а ў 1988 годзе вернуты вернікам. Храм ўяўляе з сябе прамавугольны ў плане будынак з адной чатырохграннай шматяруснай вежай. Абарончая масіўная вежа знаходзіца над уваходам. Касцёл аднанефны. У касцёле ёсць бакавыя капліцы: Святога Антонія з лева і ў гонар Дзевы Марыі з права. На хоры вядзе лесвіца, якая знаходзіцца ў заходняй сцяне. Інтэр'ер аздоблены дэкаратыўнымі нервюрамі. Калі вы будзеце ісці да касцёла пешшу, то звярніце ўвагу, што захавалася старая брукаванка на былой гандлёвай плошчы.