Навагрудак. Дом канцылярыі ваяводы.

Горад Навагрудак мае цікавую і непаўторную гісторыю. Гэта першая сталіца Вялікага Княства Літоўскага. Цікавыя падзеі тут адбываліся ў часы Расійскай імперыі, бо тут жыў геніяльны Паэт Адам Міцкевіч.

 Новы перыяд у гісторыі горада Навагрудка наступіў пасля Рыжскага міра, калі ў 1921 годзе заходняя Беларусь апынулася ў складзе Польскай дзяржавы.

У гэты перыяд Навагрудак замест уезднага горада Расійскай імперыі стаў цэнтрам ваяводства. Былі пабудаваныя ў Навагрудку адміністрыцыйныя будынкі ваяводства і ў тым ліку дом ваяводы і будынак канцылярыі ваяводства. Будынак канцылярыі мураваны, двухпавярховы, узведзены ў закапанскім стылі. Зараз у ім знаходзіцца раённы выканаўчы камітэт.

У перыяд 1924 – 1937 гадах у горадзе размяшчаўся штаб брыгады Корпуса аховы мяжы пад назвай «Навагрудак». Першы навагрудскі ваявода быў Уладзіслаў Рачкевіч у 1921 – 1924 гадах, які пазней у 1937 – 1947 гадах выконваў абавязкі прэзідэнта Польшчы.

 У маі 1922 года Навагрудак наведаў сын Адама Міцкевіча. Восенню 1922 года завітаў Юзаф Пілсудскі пры ўдзеле якога 1 лістапада зноў асвяцілі фарны касцёл. Прыязжалі ў горад прэзідэнты Польшчы: у маі 1924 года Станіслаў Вайцяхоўскі і ў верасні 1929 года Ігнацый Масціцкі.

У гэты перыяд выходзіла больш за дзесяць перыядычных выданняў і ў тым ліку выходзіла газета на беларускай мове «Наша Бацькаўшчына». У 1924 – 1931 гадах на тэрыторыі Малага замка быў створаны курган Адама МІцкевіча, ў 1938 годзе адчынілі дом–музей Паэта.