Магілёў. Будынак жаночага епархіальнага вучылішча

Калі завітаеце ў старажытны горад Магілёў, то акрамя гістарычнага цэнтра варта прайсці па прадмесцям і невялікім вулачкам каля рэчкі Дубравенкі. З Замкавай гары, сучасны парк М. Горкага, трэба сыйсці да Магілёўскага рынку і ісці па вуліцы Быхаўскай у гару. У далечыні на ўзгорку вы пабачыце прыгожы будынак, які падобны на палац – гэта і ёсць будынак былога Жаночга епархіальнага вучылішча. Пакуль будзеце ісці ў гару да помніка, то таксама варта паглядзець з лева і з права яшчэ некалькі старадаўніх дарэвалюцыйных будынкаў, некаторыя з якіх таксама маюць статус помнікаў архітэктуры.

Будынак Магілёўскага жаночага епархіальнага вучылішча быў пабудаваны ў 1889 – 1892 гадах па праекту архітэктараў П. Камбурава і М. Маркава. У час грамадзянскай вайны тут працавала школа красных камісараў. У 1920 – 30 – х гадах тут быў Беларускі педагагічны тэхнікум, дзе навучаліся многія вядомыя беларускія пісьменнікі і паэты. Напрыклад, паэт, публіцыст і перакладчык Юрка Лявонны (1908 - 1937), паэт і пісьменнік Васіль Каваль (1907 - 1937), паэтэса Наля Маркава (1906 - 1994), драматург і мемуарыст Васіль Гарбацэвіч (1893 - 1985) і многія іншыя. Дзейнічала пісьменніцкая арганізацыя «Маладняк».

Да вайны і пасля вайны ў будынку знаходзілася Магілёўскае педагагічнае вучылішча. У час гітлераўскай акупацыі нацысты тут размясцілі гестапа. У пасляваенны час працавала школа – інтэрнат. З 1990 года і па сённяшні час будынак займае абласны ліцэй № 1.

Будынак мураваны трохпавярховы пабудаваны ў стылі эклектыкі з элементамі псеўдарускага стылю. У фае на першым паверсе яшчэ захавалася плітка на падлозе 1880 – х гадоў з назвай завода, які яе вырабляў. У інтэр'еры ў некаторых памяшканнях захаваліся элементы дарэвалюцыйнага дэкору.