Магілёў. Крыжаўзвіжанская царква.

Падчас прагулкі па Магілёве вы абавязкова прыйдзеце на Замкавую гару і ўбачыце тое месца, адкуль пачыналася гісторыя горада. Замак быў пабудаваны пры зліцці дзвюх рэк: Дняпра і Дубровенкі. З Замкавай гары адкрываецца прыгожая панарама на пойму ракі Дубровенкі, дзе за невялікай рачулкай бачныя два праваслаўныя храмы: Барыса-Глебскі сабор і невялікая Крыжаўзвіжанская царква.

Гэтая невялікая цэркаўка з'яўляецца адной з самых старажытных у горадзе Магілёве. Першая Крыжаўзвіжанская царква была пабудавана яшчэ ў 1612 годзе на Задубравенскім пасадзе, так у часы Вялікага Княства Літоўскага называлася гэтая частка горада.

Пасля візіту ўніяцкага біскупа Язафата Кунцэвіча ў Магілёў у 1818 годзе ўсе праваслаўныя храмы горада былі зачыненыя, або перададзеныя уніятам. Аднаўляецца царква толькі ў 1634 годзе. У 19 стагоддзі старадаўні жылы дом 17-га стагоддзя перабудавалі пад Крыжаўзвіжанскую царкву.

Будынак каменны, у плане першапачаткова квадратны. Было жылым домам купца, або рамесніка. З боку вуліцы меліся фрэскавыя роспісы 17-га стагоддзя з выявай кветак. Роспісы былі забелены ў XX стагоддзі. Спачатку будынак меў рысы архітэктурнага стылю барока, і перабудаваны ў 19 стагоддзі ў псеўдарускім стылі. Цяпер тут знаходзіцца купель пры Барыса-Глебскім праваслаўным храме.