Магілёў. Будынак Маскоўскага банка

У час экскурсіі па пешаходнай вуліцы ў горадзе Магілёве, вы пабачыце будынак банка з досыць незвычайнай архітэктурай: фасад пабудаваны з жоўтай цэглы, а астатняя частка будынка з чырвонай. Гэта будынак былога Маскоўскага міжнароднага гандлёвага банка, які пабудавалі ў 1904 – 1906 гадах па праекту магілёўскага архітэктара Пятра Георгіевіча Камбурава. І тут заўсёды быў банк у любыя часы і памяшканні ніякім установам ніколі і нікому не перадаваліся. Тут заўсёды гаспадарамі былі банкіры і фінансісты. Нават у час гітлераўскай акупацыі з восені 1941 года тут працаваў нямецкі банк.

Будынак мураваны, сіметрычны і прамавугольны ў плане, двухпавярховы з цокальным паверхам. Галоўны фасад, які пабудаваны з чырвонай цэглы, вылучаны рызалітам  з высокімі арачнымі вокнамі на другім паверсе. Дугі паверх упрыгожваюць пілястры карынфскага ордэра, якія знаходзяцца паміж вокнамі. Першы паверх банка аздоблены рустыкай з прамавугольнымі вокнамі.

Спачатку галоўны ўваход у будынак знаходзіўся ў левым крыле і быў аформлены ў выглядзе партала з карынфскімі пілястрамі з трохвугольным франтонам. Над уваходам быў жалезны казырок з каванымі кранштэйнамі. Уся тэрыторыя банка была абнесена мураванай агароджай.

У апошнія гады будынак быў адрэстаўраваны. Мае статус помніка архітэктуры.