Магілёў. Вуліца Віленская

У часы Вялікага княства Літоўскага ў Магілёве цэнтральнай вуліцай была тая вуліца, якая вяла да сталіцы – вуліца Віленская. У савецкія часы яе назвалі ў гонар савецкага генерала Івана Лазарэнкі (1895 - 1944), які загінуў у час вызвалення магілёўшчыны ад гітлераўцаў у 1944 годзе пры аперацыі «Баграціён». Першапачаткова вуліца называлася Вялікакняжыцкая, а потым Віленская. Пры уездзе ў горад па Віленскай была пабудавана абарончая вежа – брама. Брама была спачатку драўляная, але на пачатку 19 стаголдзя перабудавана ў стылі класіцызму. Знесена ў пачатку 20 стагоддзя.

Да нашага часу на вуліцы Лазарэнка захавалася некалькі мураваных дарэвалюцыйных будынкаў пачатку 20 стагоддзя. Калі ісці ад драмтэатра і філармоніі па новаму масту праз раку Дубравенку, то з лева знаходзяцца гэтыя некалькі мураваных будынкаў.

 Гэта былі так званыя даходныя дамы. На першым паверсе, як правіла там знаходзіліся крамы і офісы. А астатнія паверхі здаваліся пад гасцініцы і жылыя кватэры. Сярод гэтых будынкаў ёсць і  гасцініца Брука. На падмурку аднаго з будынкаў пазначана дата пабудовы дома – 1910 год. І на адным фасадзе на трохкутным франтоне таксама пазначана дата 1910 год. Некалькі будынкаў знаходзяцца на стадыі рэстаўрацыі.