Магілёў. Будынак былога езуіцкага калегіўма.

Каталіцкі ордэн езуітаў прыйшоў у Магілёў напрыканцы 17 стагоддзя. Імі быў заснаваны калегіўм. Спачатку будынак быў драўляны. А на пачатку 18 стагоддзя пабудаваны мураваны двухпавярховы. У калегіўме выкладалі граматыку, сінтаксіс, паэтыку, рыторыку і іншыя прадметы. Існавала музычная бурса і школьны тэатр, аптэка, музей, бібліятэка. Тут вучыліся многія вядомыя дзеячы: паэт Эдвард Масальскі, Міхал Валіцкі прадпрымальнік і авантурыст, дзекабрыст Міхал Лапа. Пасля забароны езуітаў у Расійскай імперыі, будынак перадалі ваенным для патрэбаў штаба 1 - й арміі. Пасля паўстання дзекабрыстаў у снежні 1825 года 70 удзельнікаў паўстання знаходзиліся пад следствам менавіта ў гэтым будынку. У савецкія часы тут была абутковая фабрыка. У 1970- х гадах хацелі будынак знесці, але дзякуючы намаганням магілёўскага краязнаўца Іераніма Філіповіча будынак захаваўся да нашага часу. І там быў адкрыты "Музей дзекабрыстаў". Зараз тут этнаграфічны музей. У музеі можна набыць сувеніры.