Магілёў. Рэальнае вучылішча.

У горадзе Магілёве да рэвалюцыі адной з самых прэстыжных навучальных устаноў было Аляксандраўскае рэальнае вучылішча. Грошы-ахвяраванні на вучылішча збіралі з усёй губерні, і ўдалося сабраць значную суму. За гэтыя сродкі быў пабудаваны сучасны па тых мерках будынак на вогнішчы (сучасная плошча Арджанікідзэ). Аўтарам праекта быў вядомы Магілёўскі архітэктар Уладзіслаў Міляноўскі. Назву Аляксандраўскае атрымала вучылішча ў гонар 25-годдзя валадарання імператара Аляксандра II.

Адкрылася вучылішча ў 1885 годзе, і тут рыхтавалі спецыялістаў-тэхнароў, вывучаліся пераважна дакладныя навукі. Вучыліся ва ўстанове выключна хлопчыкі. Прычым розных веравызнанняў: праваслаўныя, каталікі, лютэране, Юдэі. Папячыцелем вучылішча быў прызначаны падпаручнік князь А.Абаленскі.

Пасля рэвалюцыі ў будынку адкрылі педагагічнае вучылішча. Затым педагагічны тэхнікум. Падчас вайны будынак моцна пацярпеў. У 1960-х гадах было надбудавана 2 паверхі і атрымаўся чатырохпавярховы корпус.

Будынак былога рэальнага вучылішча звязана з многімі выбітнымі дзеячамі. Тут працаваў педагог і грамадскі дзеяч Міхаіл Кахановіч, вучыўся вядомы савецкі пісьменнік Рувім Фраерман.

Цяпер тут працуе "сацыяльна-гуманітарны каледж" пры МДУ імя Аркадзя Куляшова. У каледжы ёсць музейны пакой.