Міронім. Царква Праабражэнская

У мястэчку Міронім Івацэвіцкага раёна ёсць мураваная праваслаўная царква, якую асвяцілі, як Спаса–Праабражэнскую. На месцы мураванага храма раней была драўляная царква, якую ўзвялі ў часы Вялікага Княства Літоўскага ў 1752 годзе.

 Новы храм створаны ў 1869 годзе паводле праекта архітэктара Г. Меера. Праект быў распрацаваны ў 1865 годзе. Фінансавалася будаўніцтва Святым Сінодам, а таксама збіраліся сродкі прыхаджанамі. За ахвяраванні прыхаджан у 1894 годзе была зроблена каменная агароджа і брама.

У часы Першай сусветнай вайны ў 1915 годзе ўдалося адрамантаваць будынак. У гады Вялікай Айчыннай вайны царкву зачынілі. Будынак быў знішчаны пажарам у 1985 годзе. У 1989 перадан праваслаўным вернікам і быў праведзены рамонт.

 Храм узведзены на ўзвышшы і бачны здалёк. Пабудаваны ў рэтраспектыўна–рускім стылі з цэглы і бутавага камяня. Складаецца з чатырох асноўных кананічных частак: прытвор, трапезная, малітоўная зала і апсіда. Над прытворам узведзена трохярусная вежа – званіца.

Інтэр'ер мае зальную планіроўку. Маецца трохярусны драўляны іканастас, які распрацаваў у 19 стагоддзі архітэктрар Крыжаноўскі. Тэрыторыя царквы агароджана каменным заборам. У апошнія гады праведзены рамонт.