Мінск. Касцёл Святой Троіцы. Святога Роха.

Самай старой каталіцкай абшчынай у Мінску лічыцца менавіта прыход касцёла Святой Троіцы. Бо гэты прыход быў заснаваны яшчэ ў 15 стагоддзі каралём Ягайла. Менавіта Ягайла фундаваў першы драўляны касцёл, які неаднойчы гарэў. Мураваны храм пабудавалі толькі ў 19 стагоддзі. Узвялі касцёл паводле праекта акадэміка Пецярбургскай Акадэміі мастацтввваў М. Сівіцкага ў 1861 – 1864 гадах. А кіраваў будаўніцтвам ксёнз Ф. Гарбачэўскі. Касцёл будавалі за збор ахвяраванняў, якія давалі ня толькі каталікі, але і вернікі розных канфесій у падзяку Святому Роху, які лічылася выратаваў Мінск ад эпідэміі халеры. Пры новым касцёле была заснавана школа арганістаў. І з гэтай нагоды ў 1984 годзе пасля рэстаўрацыі памяшканне касцёла было прыстасавана Беларускай дзяржаўнай філармоніяй пад залу камернай музыкі. Касцёл аднанефны. Пабудаваны ў рэтраспектыўна-гатычным стылі. Касцёл аднавежавы з прамавугольным у плане аб’ёмам. Інтэрьер ккасцёла таксама быў вырашаны ў стылі неаготыкі. У галоўным алтары  знаходзіўся старажытны абраз Маці Божай з Ісусам . У бакавым алтары з права з цудадзейнай скульптурай Святога Роха побач з якім выявы святых Міхаіла і Габрыэля. А бакавы левы алтар Святога Антонія з святым Лукашам і Янам. Касцёл з праспекту і вуліцы ня бачны, бо закрыты быў у савецкія часы сучаснымі будынкамі. Гэта, мабыць, і выратавала касцёл ад знішчэння.