Мінск. Плошча Перамогі

Плошча Перамогі знаходзіцца на перакрыжаванні праспекту Незалежнасці з вуліцамі Кісялёва і Захарава. Раней гэта плошча называлася Круглай, хаця , калі прыглядзецца, то ў плане плошча не круглая, а авальная. І пачала плошча фарміравацца яшчэ да Вялікай айчыннай вайны, калі тут было пабудавана два дугападобныя ў плане жылыя дамы. Далей развіццё плошчы адбывалася ўжо пасля вайны. Плошча ў плане прамавугольнік 225 на 175 метра. Кампазіцыйнай дамінантай пасярод плошчы з'яўляецца манумент Перамогі. У 1950 годзе быў праведзены конкурс на стварэнне праекта помніка воінам Савецкай Арміі і беларускім партызанам. Перамог праект Георгія Заборскага, які працаваў разам з архітэктарам Уладзімірам Каралём. Таксама над стварэннем помніка працавалі вядучыя скульптары савецкай Беларусі: С.Селіханаў, А.Глебаў, А.Бембель і З. Азгур. Перад манументым створаны вечны агонь, як сімвал памяці аб палеглых за незалежнасць нашай краіны.