Мясяцічы. Царква Параскевы Пятніцы

Мястэчка Мясяцічы знаходзіцца ў 20 кіламетрах на поўдзень ад раёнага цэнтра Пінск паміж двумя рэкамі Прыпяць і Стыр. Калісці вакол былі непраходныя балоты, а зараз усё асушана і пабудавана сетка мелірыятыўных каналаў.

Першае ўпамінанне ў гістарычных крыніцах пра Мясяцічы прыходзіца на перыяд Вялікага Княства Літоўскага 1516 год. Каралева Бона Сфорца ў 1524 годзе дала прывілей на мястэчка Мясяцічы Марціну Літвіновічу і з тых часоў гэтая мясціна стала радавым маёнткам Літвіновічаў. Пасля падзелаў Рэчы Паспалітай  мястэчка ўвайшло ў склад Пінскага ўезда Мінскай губерніі Расійскай імперыі.

У Мясяцічах ёсць цікавы помнік архітэктуры драўлянага народнага дойлідства праваслаўная царква Святой Параскевы Пятніцы. Храм пабудаваны ў 1794 годзе. Па некаторых дадзеных першапачаткова царква належыла ўніяцкім вернікам. У інтэр'еры ёсць абраз Мясяціцкай Божай Маці. У мястэчку ёсць цікавы звычай па асабліваму адзначаць дзясятую пятніцу пасля Пасхі. Гэта свята тут называецца «дзесятуха».

 Як адзначаюць спецыялісты, што помнік з'яўляецца тыпавым абразцом драўлянай архітэктуры Палесся. Царква складаецца з чатырох асноўных частак: прытвор, трапезная, малітоўная зала і апсіда. Невялікі прытвор прыбудаваны да асноўнага аб'ёму і накрыты двухскатным дахам. Асноўны аб'ём завершаны васьміграным барабанам з невялікай цыбулінай. Да малітоўнай залы прыбудавана пяцігранная апсіда. Царква адрамантавана.

Побач з храмам пабудавана двухярусная вежа – званіца.

Каля царквы ёсць пахаванне святара.