Лемяшэвічы. Царква Нараджэння Божай Маці

Мястэчка Лемяшэвічы Пінскага раёна знаходзяцца недалёка ад ракі Прыпяць у 15 кіламетрах на паўднёвы ўсход ад раёнага цэнтра. Раней тут былі вакол непраходныя балоты і лясы, але зараз многія балоты асушаны і вакол мястэчка мноства меліяратыўных каналаў. У ваколіцах Лемяшэвічаў ёсць некалькі помнікаў археалогіі і ў тым ліку стаянка 5 – 3 тысячагоддзя да нашай эры. Што сведчыць аб старажытнасці гэтых мясцінаў.

У часы Расійскай імперыі мястэчка было цэнтрам воласці Пінскага уезда Мінскай губерніі. Пасля Рыжскага міру ў часы Польскай дзяржавы Лемяшэвічы становяцца ў 1920 – 1930 – я гады цэнтрам гміны Пінскага павета.

Да нашага часу захавалася драўляная праваслаўная царква Нараджэння Божай Маці. Упершыню царква ўпамінаецца ў Лемяшэвічах у часы Вялікага Княства Літоўскага ў 1564 годзе, якая была асвечана ў гонар Святой Троіцы. Фундатарамі каменнага храма былі мясцовая шляхецкая фамілія Лемяшэвічы. Па некаторым дадзеным яна належыла ўніяцкім вернікам.

 Згодна гістарычных крыніц першы драўляны храм быў узведзены ў 1681 годзе. Калі згарэла Траецкая царква, то пабудавалі новы храм Раства Прасвятой Багародзіцы. Новая драўляная царква  на сродкі прыхаджан была пабудавана ў 1810 годзе, але яна не захавалася. Новы храм Нараджэння Божай Маці пабудаваны ў 1872 – 1881 гадах, а па некаторым звесткам у 1893 годзе. У часы Вялікай Айчыннай вайны царква была моцна пашкоджана, але потым адноўлена.

Будынак узведзены ў традыцыях народнага дойлідства з элементамі псеўда – рускага стылю па праекту архітэктара Вайковіча. Складаецца храм з 4 асноўных частак: прытвор, трапезная. Малітоўная зала і апсіда. У інтэр'еры ёсць іканастас з унікальнымі царскай брамай з саломкі 18 стагоддзя.