Лявонпаль. Сядзіба Лапацінскіх

У мястэчку Лявонпаль ёсць некалькі помнікаў гісторыі. У 18 стагоддзі Мікалай Тадэвуш Лапацінскі пабудаваў тут палац у стылі барока і побач залажылі парк у французскім стылі. Насупраць палаца знаходзілася мураваная брама. Палац узведзены па праекту італьянскага архітэктара Абрахама Антоні Гену. 

За ўдзел Лапацінскіх у анцірасійскім паўстанні 1830 – 1831 гадоў, сядзіба была разрабавана і канфіскавана.

З 1919 года палац адрамантаваны і тут знаходзіўся каталіцкі касцёл. Пад малітоўную залу была адведзена былая бальная зала. Анфіладная сістэму ў будынку была перабудавана пад калідорную.

На галоўным фасадзе з франтонам ў 1920 – я гады надбудавалі сігнатурку з крыжам.

Палацава – паркавы ансамбль мае сіметрычна – восевую кампазіцыю. Дамінуючае месца займае палац. На адной восі з палацам у 19 стагоддзі была пабудавана ўяздная брама ў стылі класіцызму з выкарыстаннем дарычнага ордэра.

Палац Лапацінскіх – мураваны аднапавярховы будынак з сіметрычнай кампазіцыяй, які мае двухпавярховую цэнтральную частку. Будынак накрыты двухсхільным дахам і мае фігурныя франтоны на тарцах. Палац пабудаваны на высокім цокалі. Да галоўнага ўваходу ў будынак вядзе шырокая лесвіца з тэрасай. У аздобе палацу выкарыстаны дэкор у стылі ракако, рустоўка і іншае. Да перабудовы палаца на першым паверсе былі парадная зала і вестыбюль, а на другім размяшчаліся жылыя пакоі гаспадароў.

За домам захаваўся аднапавярховы мураваны флігель і парэшткі тэраснага парка, які раней акружаў водны канал.

У савецкія часы ў сядзібе знаходзіўся прафілакторый.