Вадаспад на рацэ Вята.

Вадаспад на рацэ Вята лічыцца рукатворным. Тут у 19 стагоддзі быў вадзяны млын і на беразе да гэтага часу можна ўбачыць рэшткі яго канструкцыі. Затым тут была пабудавана кардонная фабрыка і на рацэ збудавалі штучную плаціну, якая забяспечвала электрычнасцю найбліжэйшыя паселішчы. Электрастанцыя прыйшла ў заняпад з часам, на закінутых будынках узнік куток з невялікім вадаспадам.

Сёння гэта ўнікальнае месца са сваёй асаблівай прыгажосцю: вада сцяной спадае з вышыні каля 2 метраў, сцякае ўніз па вялізных валунах, утвараючы пену. Гэта відовішча проста зачароўвае! Вадаспад прыцягвае да сябе не толькі мясцовых жыхароў, але і турыстаў, даючы магчымасць зрабіць прыгожыя і атмасферныя фота на памяць.

Каля вадаспаду для турыстаў добраўпарадкавана тэрыторыя: альтанкі з лаўкамі і столікамі, туалет, кабінкі для пераапранання. З аднаго з бакоў ёсць зручны абсталяваны падыход да вады і можна выкупацца. Але варта быць асцярожным - струмень вады моцны, усё дно выслана мноствам камянёў рознай велічыні і яны слізкія. Можна паспрабаваць пастаяць пад бруямі вады вадаспаду.

Асабліва добра тут у спякотны летні дзень!

Вадаспад на рацэ Вята - незвычайнае для Беларусі месца. Тут можна ў поўнай меры атрымаць асалоду ад прыгажосцю прыроды, адпачыць, супакоіцца і давесці да ладу свае думкі, назіраючы за струменем вады і слухаючы яго шум.