Ландшафтны заказнік «Альманскія балоты».

У Столінскім раёне, калі завітаеце ў мястэчка Альманы, то вы можаце наведаць экалагічную трапу «Альманскія балота». Папярэдне вам трэба будзе звязацца ў Століне з раённым краязнаўчым музеем і вам падкажуць дзе знайсці спецыяліста, які граматна і цікава распавядзе пра незвычайную прыроду гэтага края. Для наведання заказніка неабходна мець спецыяльны абутак і вопратку і памятаць, што вы знаходзіцеся ў памежнай зоне!

У Альманскіх балотах захаваўся да нашага часу  ў некранутым стане буйнейшы комплекс  нізінных, верхавых і пераходных балот. Альманскія балоты маюць статус водна – балотнага ўгоддзя міжнароднага значэнння і ахоўваюцца міжнароднай канвенцыяй і на гэтай тэрыторыі працуе ландшафтны заказнік «Альманскія балоты» рэспубліканскага значэння.

 Частка заказніка знаходзіцца на тэрыторыі Украіны. Прыкладна 40 % тэрыторыі заказніка займаюць адкрытыя балоты і сярод балот сустракаюцца пясчаныя дзюны, якія парослыя хваёвымі і ліставымі лясамі. Таксама тут сустракаюцца пойменныя дубравы, зараслі чорнай альхі і хвойнікі. На Альманскіх балотах працякае некалькі рэк і ў тым ліку Сцігва і Льва і некалькі меліяратыўных каналаў.

 Ёсць два буйных возера Малое і Вялікае Засомінае і некалькі дзясяткаў дробных азёр. У заказніку абітае 151 від птушак з якіх 25 занесены ў Чырвоную кнігу Рэспублікі Беларусь. Таксама сустракаеецца мноства рэдкіх раслін і жывёл, якія знаходзяцца пад аховай дзяржавы.