Альманы. Царква Уваскрашэння Хрыстова

У Столінскім раёне ёсць мястэчка Альманы ў 20 кіламетрах на ўсход ад раёнага цэнтра. Побач знаходзіцца ландшафтны заказнік Альманскія балоты.

Само мястэчка Альманы досыць вялікае і пасярод паселішча пабудавана драўляная царква Уваскрашэння Хрыстова. Падмурак царквы залажылі ў 1888 годзе і будаўніцтва вялося пяць год. Асвяцілі новы храм у 1903 годзе на трэці дзень Пасхі, з таго кажуць і пайшла назва царквы Уваскрашэння Хрыстова.

Храм пабудаваны паводле старажытных праваслаўных канонаў, як трактуюць некаторыя вернікі, падобна царква на карабель, які нясе чалавечую душу па хвалях жыцця і Царква павінна дапамагчы выратаваць грэшную душу верніка.

 Храм складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца: чацвярык на чацвярыку. Званіца завершана высокім гранёным шпілем. Асноўны аб'ём накрыты чатырохскатным дахам, які завершаны шматграным двухярусым барабанам з невялікім купалам. Дах спачатку быў пакрыты дранкай, а ў 1970- я гады жэсцю.

У інтэр'еры ёсць двухярусны іканастас. Ёсць абразы 19 – 20 стагоддзяў. Пасля развала СССР быў зроблены рамонт царквы. У 2010 годзе прыхаджане сабралі ахвяраванні і было зроблена ацяпленне будынка. У апошнія гады каля царквы тэрыторыя была добраўпарадкавана.